Өрөбүл күннэргэ быһааччылары муус анныгар массыына түстэ диэн иккитэ ыҥырбыттар. Ол курдук, муус устар 20 күнүгэр 112 нүөмэринэн эрийэн Дьокуускайга ГРЭС диэки массыына муустарга кыбыллыбытын биллэрбиттэр. Икки улахан киһи уонна оҕо массыына үрдүгэр тахсарга күһэллибиттэр. Быһааччылар иннилэринэ кинилэри атын дьон кэлэн таһаарбыттар.
Оттон Нам улууһугар Булуус диэн сиргэ, Сангаар бөһүөлэгиттэн 10 км тэйиччи, «УАЗ-Патриот» муус анныгар түспүт. Суоппар быыһаммыт. 112 нүөмэринэн көмө көрдөөбүтүгэр Түбэтээҕи көрдүүр-быыһыыр этэрээт быыһааччылара тиийбиттэр. Массыынаны состорон таһаарбыттар, суоппары дьиэтигэр илдьэн биэрбиттэр.
Сонун төрдө: СӨ Быыһыыр сулууспата
