СӨ ИДьМ Миграция боппуруостарыгар управлениета УФСБ-ны уонна Росгвардияны кытта «Нелегальный мигрант» эпэрээссийэ бастакы түһүмэҕин ыыта сылдьаллар. Эриэйдэлэр тутуу барар, дьон аһыыр сирдэригэр, олорор дьиэлэргэ уонна аралдьытар тэрилтэлэргэ буолаллар. Ол түмүгэр, Жатайга тутууга үлэлиир 211 мигрантан 33-һэ нуучча тылын билбэтэ билиннэ. Онон, кинилэр патеннарын тохтотуохтара.
Саха сиригэр ааспыт сыл муус устар ыйыттан миграннар нуучча тылын билиилэрин үрдүк үөрэх кыһалара эрэ бигэргэтэр бырааптаахтар. Онон, тутуллубут миграннар сэртипикээти атын эрэгийиэҥҥэ ылбыт буолуохтарын сөп. Мантан сиэттэрэн, миграционнай полиция үлэлии кэлбит миграннар сэртипикээттэрэ төһө дьиҥнээхтэрин уонна ханна бэриллибиттэрин быһаарыаҕа.
Сонун төрдө, хаартыска: СӨ ИДьМ
