Ыам ыйын 11 күнүнээҕи туругунан, Саха сиригэр 15 ойуур баһаара бара турар. Маны бохсууга 345 киһи уонна 32 тиэхиньикэ үлэлиир. Дьааҥы улууһугар 20 киһини эбии ыыттылар. Үөһэттэн кэтэбилгэ 10 улууска 8 борт, умуруорууга – икки Ми-8 бөртөлүөт көтөр.
Бэҕэһээҥҥи иһитиннэриинэн, 3 047 гектар иэннээх сиргэ биэс ойуур баһаара – Дьааҥы, түөрт – Эбээн-Бытантай, үс — Уус Алдан, биирдии – Бүлүү, Мэҥэ Хаҥалас уонна Чурапчы улуустарыгар буола тураллар. Ландшафт уота Дьааҥыга, Мэҥэ Хаҥаласка, Намҥа, Уус Алдаҥҥа, Хаҥаласка уонна Дьокуускай эҥээригэр бэлиэтэнэр.
Сонун төрдө: CӨ Бырабыыталыстыбатын уонна Ил Дарханын пресс-сулууспата
