«Уһун уонна көхтөөх олох» саҥа национальнай бырайыак иитинэн, өрөспүүбүлүкэҕэ «С гепатиты утары охсуһуу» федеральнай бырайыак үлэлиир. Манна эрэгийиэҥҥэ вируһунан тарҕанар С гепатиты сэрэтиигэ, булууга уонна эмтээһиҥҥэ туһуланар миэрэлэр киирэллэр.
«Быйыл вирустан босхолуур терапияны 450 пациеҥҥа оҥоруохтаахпыт. Ол туһугар федеральнай субсидия, булгуччулаах мэдиссиинэ страховкалааһынын уонна эрэгийиэн бүддьүөтүн үбүн туһаныахпыт», - диэн СӨ доруобуйа харыстабылын миниистирэ Лена Афанасьева иһитиннэрдэ.
Маны таһынан, С гепатикка антителалары чинчийии быйылгыттан нэһилиэнньэ диспансеризациятын бырагырааматыгар киирэр. С гепатит киһи быарын уонна да атын уорганнары алдьатар ыарыы буоларын бэлиэтиибит. Ыарыы үксүгэр хроническай көрүҥү ылар. Онон, вирустан босхолуур терапия олоҕу уһатар соруктаах.
Сонун төрдө: СӨ Бырабыыталыстыбатын уонна Ил Дарханын пресс-сулууспата
