Төрөөбүт тыллары харыстаһыҥҥа, үөрэтиигэ уонна сайыннарыыга үс хайысханан Ил Дархан бириэмийэтигэр хапсыыга сайаапкалары ылыы түмүктэннэ. Дьокуускайтан, Өлүөхүмэ, Нерюнгри уонна Өймөкөөн улуустарыттан барыта 9 сайаапка киирдэ.
Ыам ыйын 24-с Славянныы сурук-бичик күнүгэр славянныы суругу-бичиги уонна култуураны, духуобунаһы уонна үрдүк сиэри-майгыны сайыннарыыга, Саха сирин элбэх омуктаах норуотун сомоҕолооһуҥҥа кылааттарын иһин Кирилл уонна Мефодий аатынан бириэмийэни туттарыахтара.
Нуучча тылын үөрэтии уонна сайыннарыы иһин бэрэпиэссэр Николай Георгиевич Самсонов аатынан бириэмийэни туттарыы бэс ыйын 6 күнүгэр Нуучча тылын күнүгэр туттарыахтара.
Саха тылын үөрэтии уонна сайыннарыы иһин Тамара Ивановна Петрова аатынан бириэмийэни кыайыылаах Учуутал күнүгэр – алтынньы 5 күнүгэр -- тутуоҕа.
Сонун төрдө: CӨ Бырабыыталыстыбатын уонна Ил Дарханын пресс-сулууспата
