Ыам ыйын 22 күнүттэн сайылыктарга көһүү саҕаланар. Быйыл барыта 35 тыһ. тахса хороҕор муостааҕы, ол иһигэр 17 тыһ. ынаҕы сайылыктарга үүрүөхтэрэ.
СӨ ТХМ иһитиннэрбитинэн, 309 сайылыктан 285-һэ ыанньык, 24 - уотуу. Ыыр аппараттаах 255 сайылык механизацияланна, мантан 195-һэ тэриллиилээх хаһаайыстыбаларга киирэр. Сайылыктарга барыта 1546 киһи үлэлиэҕэ. Мантан ыанньыксыта – 663, үүт учуотчуга – 140, тиэхиньик-осеменатора – 131, ньирэй көрөөччүтэ – 313, бостууга – 299.
«Саха сүөһүтэ» хааһыналаах тэрилтэҕэ саха боруодалаах 1433 сүөһү баар, ол иһигэр – 458. Тэрилтэ 4 типовой сайылыктаах. Ыам ыйын 2 күнүгэр Амма улууһугар «Күллэги» диэн сиргэ 172 төбөнү, ол иһигэр 54 ынаҕы үүрүөхтэрэ. Ыам ыйын 12 күнүгэр сүөһү барыта сайылыкка көһүөҕэ.
Ил Дархан Айсен Николаев Ыйааҕынан Саха сиригэр ыам ыйын 22 күнүгэр Сайылык күнэ бэлиэтэнэр. Бу төрүг үгэһи тарҕатыыга, тыа хаһаайыстыбатын сайыннарыыга туһуланар.
Сонун төрдө: CӨ Бырабыыталыстыбатын уонна Ил Дарханын пресс-сулууспата
