Ыам ыйын бастакы аҥаарыгар Саха сиригэр кустааһын ирдэбилин тутуһууга 107 эриэйдэ ыытылынна.
СӨ Экологияҕа министиэристибэтэ иһитиннэрбитинэн, административнай кэһии туһунан 105 боротокуолу толорбуттар, 63 булт тэрилин, ол иһигэр 50 ытар сэп уонна көтөр саҥатын үтүктэр 13 электроманогу былдьаабыттар. Маны сэргэ эриэйдэ кэмигэр булт ирдэбилин тутуһуу уонна ойуурга уоту ыытыыны сэрэтии туһунан 1 345 киһиэхэ 1 324 инструктаж ыыппыттар.
Сааскы кэмҥэ кустааһын дугдаттан буолуохтаах. Тыһы көтөрү кустуур бобуулаах. Маны кэһии иһин икки сылга диэри бултуур быраабы быһыахтарын сөп.
Сонун төрдө: СӨ Экология министиэристибэтэ