Ыам ыйын 20 күнүгэр Аан дойдутааҕы Ыҥырыа күнэ бэлиэтэммитэ. Онон сибээстээн, СӨ Тыа хаһаайыстыбатын министиэристибэтэ ыҥырыаны иитии статистикатын таһаарда. Биэдэмистибэ дааннайынан, мүөтү оҥорон таһаарыы 2018 – 2024 сс. 3,4 туоннаттан 27,7 туоннаҕа тиийэ элбээбит. Оттон оҥорон таһаарар хаһаайыстыба ахсаана 12-тэн 33 хаһаайыстыбаҕа тиийэ элбээтэ.
Ыҥырыа иитиитинэн Нам, Мэҥэ Хаҥалас, Амма, Бүлүү, Горнай, Сунтаар, Таатта, Хаҥалас, Чурапчы улуустарыгар уонна Дьокуускайга биир СХПК, 17 бааһынай-пиэрмэр хаһаайыстыбата уонна урбаанньыттар, кэтэх хаһаайыстыбалаах 14 киһи, биир орто оскуола кэтэх хаһаайыстыбата дьарыктаналлар.
2024 сыл бүтүүтэ ыҥырыа үөрүн ахсаана 916 буолбут. Бастакы үөрдэри хаһаайыстыбалар Амур уобалаһыттан, Татарстантан уонна Удмуртияттан аҕалбыттар. Биир сыл устата 17 туонна мүөт хомуллубут. Биир үөртэн сылга ортотунан 20,9 кг мүөт хомуллубут. 27,7 туонна мүөт таһынан 248 кг буоска оҥоһуллубут. Саха сиригэр мүөтү хомуйуу атырдьах ыйын үһүс аҥаарыттан саҕаланар.
Сонун төрдө: СӨ Бырабыыталыстыбатын уонна Ил Дарханын пресс-сулууспата
Сонун төрдө: СӨ Бырабыыталыстыбатын уонна Ил Дарханын пресс-сулууспата
Хаартыска: Мария Васильева
