Ил Дархан Айсен Николаев «Janta Cinema» хампаанньа төрүттээччитэ, генеральнай дириэктэрэ Шаих Юсуфу уонна хампаанньаны төрүттэһээччи Савджани Джагешы кытта көрүстэ. Ыалдьыттар Дьокуускайга креативнай индустрия «Создано на Дальнем Востоке» норуоттар икки ардыларынааҕы пуорумугар кытта кэлбиттэр.
Көрсүһүүгэ, чуолаан, Саха сирин «Экстра Синема» хампаанньата Индия аччыгый нэһилиэнньэлээх пууннарыгар 50 киинэ саалатын арыйар туһунан сөбүлэһии усуолуобуйатын кэпсэппиттэр. «Джанта Синема» бэрэстэбиитэллэрэ Саха сирин «Экстра Синема» саалаларын атын дойдуларга эмиэ тарҕатар санаалаахтар.
«Биһиги технологияларбытын партнёрдар олус сэргээтилэр уонна туһаныахтарын баҕардылар. Кинилэр Janta платформаларын аата хинди тылыттан «норуот» диэн тылбаастанар. Биһиги бырайыакпыт көмөтүнэн, Индия норуота үрдүк таһымнаах киинэни көрүө диэн эрэнэбин», - диэтэ Айсен Николаев.
Сэҥээриилэр