Бэс ыйын 13 күнүгэр Саха сиригэр бастакытын биллиилээх саха учуонайа Гавриил Васильевич Ксенофонтов сыдьааннара: соҕотох уолуттан сиэнэ Михаил Леонидович уонна хос сиэнэ Анастасия Михайловна Ксенофонтовтар кэлиэхтэрэ.
Бу Национальнай бибилэтиэкэ уонна Гуманитарнай чинчийии институтун учуонай илиинэн суруйбут нэһилиэстибэтин бэчээттээн таһаарар уонна тарҕатар соруктаах кыттыгас бырайыактарын иитинэн буолар.
Ксенофонтовтар киин куораты таһынан учуонай төрөөбүт дойдутугар – Хаҥалас улууһугар (Покровскай к., Тиит-Арыы с., Чкалов с.) сылдьыахтара, уопсастыбаннаһы кытта көрсүөхтэрэ.
Баҕалаах дьону бэс ыйын 13 күнүгэр 14:00 ч. Национальнай бибилэтиэкэ сүрүн дьиэтигэр ыалдьыттар уопсастыбаннаһы кытта көрсүһүүлэригэр ыҥыраллар.
Сонун төрдө: СӨ Национальнай бибилэтиэкэтин медиа-киинэ
