Бэс ыйын 7 күнүгэр Казахстан Алматы куоратыгар YHYAQ диэн саха-казах этнобэстибээлэ диэн ааттаах Ыһыах буолан ааспыт. Барыта 1300 саха сылдьыбыт. Бэрт түмсүүлээхтик, үрдүк таһымнаахтык ыытыллыбыт.
Ыһыаҕы «Алтан» IT-Оскуола салайааччыта, Иван Шамаев үөрэнээччитэ Дьулустаан Осипов үһүс сылын тэрийбит. Сүрүн өйөбүлү Арсен Томскай салайааччылаах inDrive хампаанньа оҥорбут. Кини тэрийээччилэргэ ис сүрэҕиттэн махтаммыт.
Тэрээһини Бүлүүтээҕи В.О. Каратаев аатынан олоҥхоһут уонна тойуксут норуодунай кэлэктиибэ киэргэппит. Салайааччылара Светлана Иванова «Каратаев аатын ааттаттыбыт, эһиил эмиэ тиийиэх буоллубут» диэн суруйбут.
Ыһыах сонун түгэнинэн биһиги хомусчуппутугар Эркиҥҥэ үөрэммит, сахалыы саҥарар Эмиэрикэ уола хомус күрэҕин салайан ыыппыта, ону казах учуонайа Евфрат Имамбеков сыаналаабыта буолла.
Бэйэ кэр.
