Бу күннэргэ Бүтүн Арассыыйатааҕы «Идэтигэр бастыҥ» сатабыл куонкуруһун эрэгийиэннээҕи түһүмэҕэ «Агрономия» хайысхаҕа ыытылла турар. Манна биэс агроном кыттар. Кыайыылаах от ыйыгар Мордовияҕа ыытыллыахтаах федеральнай түһүмэххэ кыттыаҕа.
СӨ Тыа хаһаайыстыбатын уонна ас-үөл бэлиитикэтин миниистирин солбуйааччы Сахаяна Павлова быһаарбытынан, кыттааччылар бастаан түөрүйэ, онтон Хаҥалас Өктөмүгэр быраактыка өттүгэр тургутуулары ааһаллар.
Куонкурус эспиэрдиир сүбэтин бэрэссэдээтэлэ, тыа хаһаайыстыбатын билим-чинчийии институтун дириэктэрэ Михаил Черосов, тэрээһин бастакытын ыытыллар буолан, кыттааччыта аҕыйаҕын, инникитин атын улуустартан, элбэх идэнэн кытыннарар санаалаахтарын эттэ. Кини аныгы агроном сири эрэ кытта буолбакка, аналитиканы, каарталары,
агро экэниэмикэни уонна мэхэньиисимнэри кытта үлэлиэхтээҕин бэлиэтээтэ.
Уус Алдантан кэлбит Василий Сивцев куонкуруска билиитин уонна сатабылын тургутан, салгыы сайдаары кыттарын билиннэ. Кини үс сылтан ордук туорахтаах култууралары сиэмэҕэ үүннэрэр хаһаайыстыбаҕа үлэлиир эбит. Эбээһинэһигэр үүнээйини ыһыы, харайыы уонна хомуйуу киирэр.
Сонун төрдө: CӨ Бырабыыталыстыбатын уонна Ил Дарханын пресс-сулууспата
