Саха сиригэр нуучча тылын биир кэлим эксээмэнин 100 баалга түөрт оҕо туттарда.
Муҥутуур баалы Дьокуускай 8 №-дээх гимназиятыттан Софья Карамзина, Арктикатааҕы оскуолаттан Диана Оразбаева, В.П. Ларионов аатынан физика-тиэхиньикэ лиссиэйиттэн Кирилл Степанов, Өрөспүүбүлүкэтээҕи лиссиэй-интэринээттэн Эркин Ноговицын ыллылар.
«Ис сүрэхпиттэн оҕолору, кинилэр учууталларын, төрөппүттэрин эҕэрдэлиибин, өссө да үрдүк ситиһиилэри, кыайыылары баҕарабын. Саха сирэ эһигинэн киэн туттар!» – диэн Айсен Сергеевич бэлиэтээтэ.
Эркин Ноговицын уонна Кирилл Степанов биир кэлим эксээмэҥҥэ иккистээн сүүс баалы ылары ситистилэр. Бу иннинэ кинилэр иккиэн химияны 100 баалга туттарбыттара.
Сонун төрдө: СӨ Бырабыыталыстыбатын уонна Ил Дарханын пресс-сулууспата
