Бэс ыйын 19 күнүгэр СӨ Култуура уонна духуобунай сайдыы миниистирэ Афанасий Ноев П.А. Ойуунускай аатынан Литэрэтиирэ түмэлин үлэһиттэригэр саҥа салайааччыны Рустам Каженкины билиһиннэрдэ. Кини түмэли 33 сыл салайбыт Саха сирин норуодунай суруйааччыта Николай Лугинов оннугар талылынна.
Рустам Николаевич суруйар эйгэҕэ биллэр-көстөр бэйиэт уонна өр сылларга «Айыы кыһата» национальнай гимназияҕа оҕолору саха тылыгар уонна литэрэтиирэтигэр үөрэппит чаҕылхай учуутал. Быйыл кини “Төрөөбүт тыл уонна литэрэтиирэ бастыҥ учуутала-2025” идэ маастарыстыбатын Бүтүн Арассыыйатааҕы күрэһин эрэгийиэннээҕи түһүмэҕэр муҥутуур кыайыылаах буолбута.
Сонун төрдө: П.А. Ойуунускай аатынан Литэрэтиирэ түмэлэ
