СӨ Силиэстийэлиир управлениетын Чурапчытааҕы салаата Уус Алдан улууһун Дүпсэ сэлиэнньэтин баһылыгын солбуйааччытыгар икки (сулууспаҕа сымыйа докумуону оҥоруу уонна дуоһунаһы туһанан түөкүннээһин) ыстатыйанан толору дакаастабыл хомуйан бириигэбэр таһаарда. Суут быһаарыытынан буруйданааччыга ыстараап ананна.
Ол курдук, буруйданааччы 2024 сыл алтынньытыттан сэтинньитигэр диэри, эрдэттэн туһанар санаанан салайтаран, хайа эрэ урбаанньыт сэлиэнньэ аралдьытар киинин төлөбүргэ күрүөлээбитин туһунан сымыйа докумуону бэлэмнээбит уонна дьаһалта бухгалтерыгар туттарбыт.
Онуоха, кини олохтоохтор күрүөлээһин үлэтин босхо оҥорбуттарын бэркэ билэр эбит. Ол үрдүнэн, 200 тыһ.солк. төлөбүрү урбаанньыкка ыыттарбыт. Бу киһи харчыны солбуйааччыга уһулан биэрбит, ону кини тус наадатыгар туһаммыт. Ити курдук муниципальнай тэриллиигэ улахан хоромньу оҥоһуллубут.
Сонун төрдө: СӨ Силиэстийэлиир кэмитиэтэ
