Ол туһунан тэрийэр кэмитиэт мунньаҕын түмүгүнэн вице-премьер Сергей Местников биллэрдэ. Күрэс төрүт көрүҥнэригэр XXII Спартакиада от ыйын 7 күнүттэн 12 күнүгэр диэри буолуоҕа.
Оонньууларга барыта 7 тыһ. киһи, ол иһигэр күрэс уонна култуура бырагыраамаларын кыттыылаахтара, судьуйалар, волонтердар, бэтэрээннэр, бочуоттаах ыалдьыттар, тэрийээччилэр уонна да атыттар. Сүүмэрдиир күрэстэһиилэргэ оонньоммут путевкалар ахсааннарынан 1662 күрэсчит кыттыаҕа.
Күрэстэһиилэр Ытык Күөлгэ Манчаары Оонньууларыгар анаан тутуллубут саҥа эбийиэктэргэ ыытыллыахтара. Бу А.Е. Турнин аатынан 1000 миэстэлээх, сүүрэр суоллаах, трибуналаах, элбэх соруктаах чэбдигирдэр-күрэстэһэр «Ньургун Боотур» комплекс, 1500 миэстэлээх «Саһыл уйалаах» ипподром уонна Култуура-сынньалаҥ паарката.
Спартакиадаҕа күрэс 11 көрүҥэ киирдэ: хапсаҕай, мас-рестлинг, ыстаҥа, чэпчэки атлетика, национальнай дэгэт күрэс, хотугу дэгэт күрэс, остуол оонньуулара, гиирэ күрэһэ, буулдьанан ытыы, ох сааттан ытыы, ат сүүрдүү.
Сонун төрдө: СӨ Бырабыыталыстыбатын уонна Ил Дарханын пресс-сулууспата
