Саха сирин ыччатын уопсастыбаннай үлэҕэ тардыы биир дьайыылаах көрүҥүнэн «За НАС» ыччат десана буолла. 20 эдэр киһи Томпо улууһун Охотскай перевоз сэлиэнньэтигэр үлэлии тиийдилэр.
Оҕолор бу сэттиэлэ бүтүөр диэри ыалларга уонна сэлиэнньэни тупсарыыга көмөлөһүөхтэрэ. Ол курдук, эргэ дьиэлэри, сарайдары, хотоннору, тиэргэн тутууларын, күрүөлэри көтүрүөхтэрэ, бөҕү-сыыһы хомуйуохтара. Ол туһунан АГИП социальнай ситимнэринэн ыччат миниистирин э.т. Надежда Мохначевская иһитиннэрдэ.
Биллэрин курдук, манна норуоттар икки ардыларынааҕы «Полет Стерха» орнитологическай обсерватория аһыллыахтаах. Ону таһынан саҥа уопсастыбаннай уораҕайдар, элбэх соруктаах киин, олорор уонна тэрилтэ дьиэлэрэ, сэдэх көтөрдөрү кэтээн көрөр, харыстанар сирдэринэн сылдьар былаһааккалар тутуллуохтара.
Быйыл ыччат десана Үөһээ Бүлүү, Горнай, Бүлүү уонна Ньурба улуустарынан сылдьыбыт. Кинилэр өҥөлөрүн 500 тахса киһи туһаммыт. Бырайыак Владимир Путин көҕүлээһининэн, Росмолодёжь өйөбүлүнэн, «Регион для молодых» бырагыраама«Молодёжь и дети» национальнай бырайыагын иитинэн олоххо киирэр.
Сонун төрдө:СӨ Бырабыыталыстыбатын уонна Ил Дарханын пресс-сулууспата
