"Айар" кинигэ кыһатын бас дьоно Август Егоров уонна Валерий Луковцев өрөспүүбүлүкэтээҕи эндокринология балыыһатыгар сытан эмтэнээччилэр кинигэ ааҕан сэргэхсийдиннэр диэн, 20 кинигэни аҕалан бэлэхтээтилэр.
Бу үтүө санааны өрө тутар тэрээһинтэн араас улуустартан сытан эмтэнээччилэр олус үөрдүлэр. Сытыаран эмтиир салаа сэбиэдиссэйэ Надежда Винокурова "Айар" кинигэ кыһатын үлэһиттэригэр барҕа махталын тиэрдэр!
Мин таптаан ааҕар ааптарым Надежда Егорова-Намылы "Дьахтар абылыыр айылгыта" кинигэтин булан үөрдүм.
"Айардар" соторутааҕыта сүрэх балыыһатыгар эмиэ кинигэ бэлэхтээбиттэрэ.
Бу курдук үтүө санаа үгүс үтүктээччилэрдээх буоллун! "Айардар" бачыымнара кэҥээн-тэнийэн истин!
Валентина Кривошапкина. Таатта, Харбалаах.
