Саха сиригэр туризмы сайыннарыы ааҕыныстыбата хаартыскаҕа түһэрээччилэри, айанньыттары, орнитологтары, Саха сирин олохтоохторун уонна ыалдьыттарын «Кыталык көтүүтэ» (Полет Стерха) бырайыак иитинэн өрөспүүбүлүкэҕэ бастакы кыталык хаартыскатын баанын тэрийиигэ кыттаргытыгар ыҥырар.
«Кыталык — Саха сирин ытык көтөрө уонна аан дойдуга сэдэх көтөрдөрүттэн биирдэстэрэр. Бүгүҥҥү туругунан, кыталык маҥан көрүҥэ биһиэхэ эрэ үөскүүр. Онон, бу көтөрү харыстыыр уонна аан дойдуга кэпсиир хаһааҥҥытааҕар да тоҕоостоох», – диэн тэрийээччилэр эттилэр.
Кыталык айылҕаҕа сылдьар (көтөн иһэр, уйаланар, тохтоон ааһар) хаартыскаларын уонна видеоҕа уһулууларын бу сигэнэн угаргытыгар көрдөһөллөр: https://forms.yandex.ru/u/686e0c2102848f04f3036cc9/. Киирбит хаартысканы барытын архыыпка угуохтара, оттон бастыҥнарын бырайыак тэрээһиннэригэр туһаныахтара.
Сонун төрдө: СӨ Бырабыыталыстыбатын уонна Ил Дарханын пресс-сулууспата
