Ууга барбыт Өймөкөөн олохтоохторугар мэдиссиинэ көмөтүн оҥоро элбэх киһилээх биригээдэ тэриллэн от ыйын 24 күнүгэр үлэлии тиийдэ. Ил Дархан сорудаҕынан, быраастар манна атырдьах ыйын 7 күнүгэр диэри үлэлиэхтэрэ.
Манна икки терапевт, эндокринолог, кардиолог, акушер-гинеколог, УЗИ бырааһа, офтальмолог, отоларинголог, педиатр, травматолог-ортопед, невролог, медиссиинэ психолога уонна икки сиэстэрэ киирдилэр. Кинилэр дьону Өймөкөөн сэлиэнньэтиттэн көрөн саҕалаатылар. Бэҕэһээҥҥи туругунан 10 киһини көрбүттэр. Мантан үһүн – дьиэлэригэр тиийэн.
Биэрэк Үрдэ сэлиэнньэҕэ 3 киһини дьиэлэригэр тиийэн көрдүлэр. Томторго барыта 60 киһини, ол иһигэр 13 оҕону көрдүлэр. Икки киһини балыыһаҕа киллэрдилэр, биир киһини Дьокуускайга ыыттылар.
Сонун төрдө: СӨ Бырабыыталыстыбатын уонна Ил Дарханын пресс-сулууспата
