РФ Үбүн-харчытын миниистирин солбуйааччы, АЛРОСА Кэтиир сэбиэтин чилиэнэ Алексей Моисеев АЛРОСА Саха сирин сайдыытыгар улахан кылааттааҕын бэлиэтээтэ.
Кини этэринэн, “Якуталмаз” трест утумнааччыта АЛРОСА бу сыллар усталарыгар өрөспүүбүлүкэ сайдыытыгар улахан көмөнү оҥорон кэллэ. Ол курдук, өрөспүүбүлүкэҕэ туох ирдэнэрин хааччыйар, култуура сайдыытын эмиэ тиһиктээхтик өйүүр, Саха сиригэр олорор норуоттар төрүт үгэстэрин харыстыыр тэрээһиннэри тэрийэргэ кыттыр. “Бу – хампаанньа инники күөҥҥэ тутар биир сүрүн соруга”, – диэн Алексей Моисеев тоһоҕолоон эттэ.
Кини өссө АЛРОСАҕа тирэхтээхтик сайдыы тосхоло үлэлиирин кэпсээтэ. Ол иитинэн үлэ социальнай уонна экологическай хайысхаларыгар, чуолаан, алмааһы хостуур сирдэригэр нэһилиэнньэни өйүүргэ ураты болҕомто ууруллар.
Алексей Моисеев АЛРОСА Кэтиир сэбиэтигэр стратегия уонна тирэхтээхтик сайдыы кэмитиэтин чилиэнэ буолбута ыраатта. Хампаанньа аахсыйаларын улахан аҥаара судаарыстыба, ол иһигэр Саха сирин бас билиитигэр баар. Ону таһынан, АЛРОСА аахсыйаларын өрөспүүбүлүкэ 8 улууһа туһанар.
Сонун төрдө: АЛРОСА пресс-сулууспата
