2. Сонуннар
  3. Сонуннар
  4. #ЗеленыйЧетверг: Аммаҕа улахан уйуктаах массыына суоппардара Кириэстээх үрэҕи оттон-мастан ыраастаатылар

Кыым.ру телеграм-ханаалыгар ыҥырабыт

Амма судаарыстыбаннай экологическай хонтуруолун иниспиэктэрдэрэ Кириэстээх үрэҕин туоруур муоста аннын ыраастааһыны тэрийэн ыыттылар. Бу сиргэ сылын аайы сааскы халаан кэмигэр ол-бу мас сыыһа кэлсэн, үрэх сүүрүгүн мэһэйдиир. Инньэ гынан, суолга-иискэ харгыстары үөскэтиэн сөбүн ааһан, балык ыамата кыра уулартан үрэххэ ааһарыгар кытта мэһэйдиир. Онуоха Ефимов Степан Николаевич уонна Захаров Николай Иванович чааһынай “КамАЗтарынан” кэлэн үрэхтэн бөҕү таһыыга буор босхо көмөлөстүлэр, 8 куум мунньуллубут маһы тиэйэн таһаардылар.
Амматааҕы судаарыстыбаннай экологическай хонтуруол иниспиэксийэтин салайайааччыта Евгений Егоров: “Суоппардарга көмөлөрүн иһин махталбытын биллэрэбит. Биир дойдулаахтарбытын кинилэр холобурдарыгар кыттыһалларыгар ыҥырабыт”, – диэн бэлиэтээн этэр.
Бэлиэтээн эттэххэ, субуотунньук #ЗеленыйЧетверг өрөспүүбүлүкэтээҕи экологическай бырайыак чэрчитинэн ыытылынна. Төрөөбүт дойдубут күөх сирэм айылҕатын туһугар туһуланар үтүө саҕалааһыны Сахабыт сирин хас биирдии улууһа өйүөҕэ диэн эрэллээхпит.

a49dc89d 005b 4f0c 8c32 5d14945cdb9b

Бүтэһик сонуннар