Дьокуускайга улахан дьоҥҥо анаммыт эчэйиини эмтиир иккис пуун аһылынна. Оҥоһуллар өҥө мэдиссиинэ полиһынан босхо бэриллэр диэн СӨ Доруобуйа министиэристибэтин пресс-сулууспата суруйар.
Пуун эрэнгиэн аппараатынан, УЗИ-нан, аныгы тиэхиньикэнэн хааччыллыбыт. Уопуттаах травмотолог, ортопед быраастар, рентгенологтар, мэдиссиинэ сиэстэрэлэрэ үлэлииллэр.
Бэлиэтииллэринэн, саҥа киин СӨ Доруобуйа харыстабылын министиэристибэтин уонна “Добромед” ХЭТ кыахтарынан судаарыстыба – чааһынай партнердаһыы түмүгэр аһылынна.
Пуун аадырыһа: Михаила Николаев проспега, 6/1А дьиэ («Прометей» ЖК утары). Үлэ кэмэ сарсыарда 8:00 чаастан киэһэ 20:00 чааска диэри.
Сонун төрдө уонна хаартыска: СӨ Доруобуйа харыстабылын пресс-сулууспата
