«Пятница!» телеханаалга Константин Ивлев салайар «Молодые ножи» диэн реалити-шоу бэһис сезонҥа салҕанар. «Молодые ножи» – аатырбыт шеф-повар кулинарнай соруга: кини Арассыыйаҕа 16-ттан 30 саастарыгар диэри дьоҕурдаах эдэр повардары көрдөөн, кинилэртэн саҥа «Мишлен» сулустаах маастардары таһаарыан баҕарар.
Бырайыак саҥа таһаарыытыгар Дьокуускай куораттан сылдьар, 28 саастаах повар Петр Аммосов кыттыыны ылыаҕа. Кини Европа уонна Нуучча астарын бэлэмнииргэ идэтийэр. Ресторан эйгэтигэр үлэлиир стаһа – 6 сыл.
Дьокуускайдааҕы Петр Аммосовтуун кытта кыайыы иһин дойду араас регионнарыттан өссө 5 повар күрэхтэһиэҕэ. Ким аһы бэлэмниир дьоҕурунан уонна амтаһыйыынан күрэхтэһээччилэри баһыйар, ол кыайыылаах буолуоҕа. Кини Константин Ивлевтан көмүс шеф-быһаҕы ылыаҕа.
Ивлевка повардар астарын чинчийэргэ сулустаах дегустатордар көмөлөһүөхтэрэ: Андрей Григорьев-Апполонов, Юлия Ковальчук, Юлианна Караулова, Нюша, Регина Тодоренко, Алена Апина уонна да атыттар. Бу таһаарыыга астары Арассыыйа Баскетболун Федерациятын Президенэ Андрей Кириленко сыаналыаҕа.
Сонун уонна төрдө kyym.ru
Хаартысканы «Пятница!» телеханаал биэрдэ
