Соторутааҕыта “hh.ru” саайт «исписэлиистэрэ Саха сиригэр баар бакаансыйалары уонна дьон аһаҕас ситимнэргэ таһаарбыт резюмеларын ырытан-анааран көрөн бараннар, 11 идэҕэ үлэһит букатын тиийбэт эбит» диэн быһаарбыттар.
Исписэлиистэр 2025 с. устата ааҕан-суоттаан көрөн бараннар, Саха сиригэр 1 бакаансыйаҕа ортотунан 8,0 резюме киирэрин быһаарбыттар. Ол аата, элбэх үһү. Холобур, Уһук Илин федеральнай уокуругар ити көрдөрүү 5,2 резюмеҕэ тэҥнэһэр эбит.
“Каадыр дэписииттээх идэлэр” диэҥҥэ 11 маннык идэ киирбит: токарьдар, монтажниктар, ПНР инженердэрэ (1 үлэ миэстэтигэр 1,3 резюме), малярдар (1,6), электромонтажниктар (2), провизор-фармацевтар (2,4), пуобардар (2,6), ОТК контролердара (2,7), быраастар (2,8), кылаабынай быраастар (3), атыы-эргиэн бэрэстэбиитэллэрэ (3,1).
Аны туран, итиннэ киирбит идэлэртэн түөрдэ Саха сиригэр саамай ирдэнэр ТОП-20 үлэһиттэрин ахсааныгар киирэр эбит.
Өрөспүүбүлүкэбитигэр итини таһынан билигин 10 саамай ирдэнэр идэни ааттаатахха маннык: атыы-тутуу менеджердэрэ, килийиэни кытта үлэлиир менеджердэр (1 үлэ миэстэтигэр 10,1 резюме), суоппардар (13,9), сүбэһит-атыыһыттар, кассир-атыыһыттар (5,7), электромонтажниктар (2), оробуочайдар (12,4), монтажниктар (1,3), массыньыыстар (6,7), пуобардар (2,6), силиэсэрдэр (4,1), буҕаалтырдар (11).
Хаартыска: Yakutia24.ru
