2025 сыл түмүгүнэн улахан экраннарга тахсыбыт саха ол киинэлэрэ барыта 280 мөлүйүөн солкуобайы “өлөрбүттэр”. 2024 сыллаахха ол 150 мөл. солк. этэ.
Аны туран, быйылгыттан киинэ устар улахан анал павильон тутуута саҕаланыахтаах. Ол туһунан Ил Дархан Айсен Николаев кэпсээтэ.
“Киинэни болҕомто киинигэр тутабыт. Кэлиҥҥи сылларга саха киинэтин тиһиктээхтик өйүүбүт. Өрөспүүбүлүкэбит аатын ааттатар, үтүө ситиһиилэрдээх кинематографистарбытыгар махтанабын. Мин санаабар, кинематографиябыт туруга этэҥҥэ. Бу – саҕалааһын эрэ диэххэ сөп”, – диэн Айсен Николаев эттэ.
Ил Дархан кэпсээбитинэн, быйыл дойду Бэрэсидьиэнэ Владимир Путин сорудаҕынан Дьокуускайга киинэ павильонун тутуута саҕаланыахтаах.
“Федеральнай киинтэн эбийиэги бырайыактыырга үп-харчы кэллэ. Өтөр куонкуруһун биллэриэхпит. Бу сыл бүтүөр диэри бырайыага түмүктэниэ уонна онтон эһиил, 2027 сылга, тутуу саҕаланан баран бүтүө диэн эрэнэбит”, – диэтэ Айсен Николаев.
Хаартыска - Yakutia24.ru
