Оскуолаҕа үөрэнэр оҕолоох хас тохсус ыал оҕото “үчүгэй” сыананы ылан кэллэҕинэ, харчынан бириэмийэлиир эбит. Ол туһунан “СуперДжоб” үлэ порталын эспиэрдэрэ ыыппыт ыйытыктарын түмүгэ туоһулуур.
Эспиэрдэр этэллэринэн, уон төрөппүттэн үһэ оҕото “үчүгэй” эбэтэр “туйгун” сыананы ыллаҕына, тылынан хайгыыр эбит. Оттон ыйытыкка кыттыбыт ыал 26%-на “оҕобутун аралдьытар-саататар сиргэ сырытыннарабыт” диэбиттэр. Үһүс миэстэҕэ “оҕо баҕа санаатын толоробут” диэччилэр тахсыбыттар (23%). 16% ыал – бэлэх биэрэр, 14% ыал – көмпүүтэргэ оонньуулларын, тэлэбиисэр көрөллөрүн көҥүллүүр. Харчынан уонна минньигэс аһынан ыйытыкка кыттыбыт ыал 10%-на бириэмийэлиирэ биллибит. Оттон төрөппүттэр 7%-нара “хайҕаабаппыт да, бириэмийэлээбэппит да” диэн кырдьыгынан билиммиттэр.
Ийэлэр уонна аҕалар хайгыыр ньымалара араас дэммит. Ол курдук, ийэлэр сүрүннээн көннөрү тылынан хайгыыр буоллахтарына, аҕалар “үчүгэй-туйгун” сыананы ылбыт оҕолоругар үбү-харчыны, араас малы бэлэхтииллэрэ быһаарыллыбыт. Ол гынан баран, оҕо сыананы ыларыгар-суоҕар букатын кыһаммат ийэлэрдээҕэр аҕалар быдан элбэхтэр эбит.
Ыйытык Саха сиригэр тохсунньу 12–27 күннэригэр ыытыллыбыт.
Хаартыска - kidsincamp.ru
