2025 сыл IV кыбаарталыгар Арассыыйаҕа кэлбит үлэ миграннарын 35 %-на нуучча тылын, Арассыыйа устуоруйатын уонна РФ сокуонун туһунан тургутугу бастакы сырыыларыгар кыайан ааспатахтар.
Ити үс ый иһигэр үлэҕэ киирээри, патент ылаары барыта 201,5 тыһ. мигрант эксээмэн туттаран холонон көрбүт. Сорохтор хастыыта да холонон, бу дьон 87,9 %-на эксээмэннэрин син бөрөөбүттэр.
Арассыыйаҕа дьиэ-уот ылар быраабы ситиһээри былырыын от ыйыттан балаҕан ыйыгар диэри 11,5 тыһ. мигрант эксээмэн туттарбыт. Бу дьон 70,6 %-на тургутугу этэҥҥэ ааспыт. Ону сэргэ, 2025 с. балаҕан ыйыгар Арассыыйа оскуолатыгар I кылааска үөрэнэр бырааптанаары 2964 мигрант оҕото нуучча тылыгар эксээмэн туттарбыт. Бу оҕолор 87 %-нара эксээмэни кыайаахтаабатахтар.
Хаартыска – tj.sputniknews.ru
