Саха сиригэр ийэ үс хапытаала баар: “100 сыл оҕолоро” тус сыаллаах хапытаал, иккис оҕоҕо бэриллэр эрэгийиэннээҕи ийэ хапытаала, үһүс уонна онтон кэлэр оҕолорго төлөнөр өрөспүүбүлүкэтээҕи ийэ хапытаала.
Бу хапытааллар харчыларынан оҕо үөрэҕин (анал үөрэх), уһуйаанын, ону сэргэ үөрэххэ киирдэҕинэ, үөрэх кыһата биэрбит уопсайын эбэтэр уопсайга олорор хомунаалынай ороскуотун төлүөххэ сөп.
СӨ үлэҕэ уонна социальнай сайдыыга министиэристибэтэ быһаарарынан, хапытаал харчытын үөрэххэ туһанарга кэккэ докумуоннары хомуйан туттарыахтааххын. Холобур, оҕо төлөбүрдээх үөрэххэ киирбит буоллаҕына, ону туоһулуур дуогабар куопуйата ирдэнэр. Аны туран, үөрэх кыһата Арассыыйаҕа регистрациялаах, үөрэтэр лиссиэнсийэлээх, оттон оҕо 23 (25) сааһын туола илик буолуохтаах.
Уһуйааны төлүүргэ эмиэ тэрилтэ бигэргэппит дуогабарын куопуйата наада. Онно кини оҕону көрөрүн-истэрин уонна ол иһин төлөбүрэ төһө буолара ыйыллыахтаах. Булгуччу уһуйаан харчыны ыыттарар реквизиттэрэ баар буолуохтаах. “Киһи доруобуйатын босхо көрдө-рүөн, ыарыыны-кыһалҕаны эрдэттэн быһаартаран эмтэниэн сөп. Өскөтүн наада буоллаҕына, көрдөрүнэ кэлбит киһини анал исписэлиискэ ыытыахтара, үрдүк технологиялаах мэдиссиинэ көмөтүн аныахтара”, – диэн миниистир Л.Афанасьева этэр.
Холобур, былырыын Саха сиригэр итинник чинчийиини 120 тыһыынча кэриҥэ киһи ааспыт. Ол иһигэр 61 171 дьахтар уонна 57 538 эр киһи. Исписэлиистэр этэллэринэн, дьахталлар да, эр дьон даҕаны ордук “оҕолонор кыаҕа суох буолуунан” (бесплодие) моһуогураллар эбит.
Санаттахха, кулун тутар 2–8 күннэригэр Саха сиригэр “Хат буолууга эппиэтинэстээхтик сыһыаннаһыы нэдиэлэтэ” диэн аахсыйа ыытылла турар.
Хаартыска - Yakutia24.ru
