Ил Түмэн мандаакка уонна регламеҥҥа хамыыһыйата норуот дьокутаата Александр Иванов* омук ааҕыннарын кэккэтигэр киирбитинэн, бүгүн – кулун тутар 13 күнүгэр – болдьоҕун иннинэ боломуочуйатын тохтотор туһунан боппуруоһу көрүөхтээх.
“Сокуоҥҥа олоҕуран, Ил Түмэн дьокутаат боломуочуйатын болдьоҕун иннинэ тохтотор туһунан боппуруоһу көрөр эбээһинэстээх. Мандаат уонна регламент хамыыһыйатын мунньаҕа кулун тутар 13 күнүгэр анаммыта, бэбиэскэҕэ Иванов* боппуруоһа эмиэ киирбитэ”, – диэн хамыыһыйа бэрэссэдээтэлэ Игорь Григорьев сырдаппыта.
Хамыыһыйа мунньаҕын түмүгүнэн А.Иванов* боппуруоһа Ил Түмэн көрүүтүгэр киириэхтээх. Оттон Ил Түмэн өтөр буолуохтаах 18-с пленарнай мунньаҕа кулун тутар 25—26 күннэригэр буолуохтаах.
Санаттахха, олунньу 27 күнүгэр Арассыыйа юстицияҕа министиэристибэтэ Александр Иванову* омук ааҕыннарын кэккэтигэр киллэрбитэ. Онон кини дьокутаат буолан бүтүөхтээх.
* – дьокутаат А.Иванов омук ааҕынынан билиниллибитэ.
Хаартыска – yakutia.info
