Бу сылларга төһө даҕаны “күн көҕө” (солнечная активность) уҕараабытын иһин, ыраахтан көрдөххө күн “сирэйигэр” баар харааран көстөр түөлбэлэртэн (корональные дыры) сылтаан маҕыньыыт буурҕалара өссө да икки-үс сыл салҕаныахтара үһү. Буурҕалар 2028—2032 сс. дьэ тохтуохтара дииллэр. Ол туһунан “РИА Новостига” РАН Күн астрономиятын лабаратыарыйатын салайааччыта, учуонай Сергей Богачев кэпсээбит.
“Кэлэр икки сылга күн көҕө сыыйа уҕараан иһиэ эрээри, маҕыньыыт буурҕа түһэрэ син биир элбэх буолуо. Ол барыта “корональнай хайаҕастар” дьайыыларын кытта сибээстээх. 2028—2031 сс. эрэ уоскуйуо, букатын тохтуо”, – диир учуонай.
Хаартыска – wikipedia.ru
Кыым.ру
