Саха сирин ФСБ-тын үлэһиттэрэ улахан суумалаах социальнай көмөнү ылыыга түөкүннээһин тахсыбыт түгэнин арыйбыттарын туһунан СИА суруйар.
Биэдэмистибэ иһитиннэрэринэн, силиэстийэ уонна суут быһаарбытынан, Киин Азияттан төрүттээх, 1986 сыл төрүөх дьахтар Арассыыйаҕа дьахтар төрөөтөҕүнэ ботуччу суумалаах социальнай көмө оҥоһулларын билэр буолан, Саха сиригэр анаан-минээн кэлбит, судургутутуллубут бэрээдэгинэн Арассыыйа гражданствотын оҥорторбут. Ол гынан баран, кини манна өр олорор да, үлэлиир да былаана суох эбит. Төрөөт даҕаны, үлэтэ суоҕунан ый аайы көрүллэр босуобуйа оҥорторон баран, төттөрү дойдулаан хаалбыт. Ол кэннэ манна туох эрэ дьыалатыгар төннөн кэлээри тутуллубут. Ол иһин РФ 159.2 ыст. 2 ч. холуобунай дьыала тэриллибит.
Дьокуускай суута дьахтары сууттабыт, балтараа сыл услуобунай болдьохтоох быраабын быспыт. Ону таһынан, 700-тэн тахса тыһыынча солкуобай хоромньутун төлүүрүгэр уураахтаабыт.
Бука, бу биир эрэ түгэн буолбатаҕа буолуо диэн сэрэйэбит.
Хаартыска — Yandex.ru
