The New Statesman диэн Британия сурунаала: “Ираны утары сэриини саҕалаабытын кэннэ, АХШ Дьобуруопаны кытта сыһыана өссө тымныйда. АХШ Аан Илиҥҥэ саҥа сэриини саҕалаан, ньиэп-гаас кэлэр ханаалларын ыспытын түмүгэр, Арассыыйаны кытта утарыта турсууттан онто да суох уустук балаһыанньаламмыт Дьобуруопа экэниэмикэтэ өссө холунна. АХШ салалтата кинилэри кытта сүбэлэспэккэ, сэрэппэккэ эрэ бу иирсээни тэрийбититтэн Евросойуус улахан хом санаатын биллэрэр. Маны тэҥэ, Украина боппуруоһугар АХШ уонна Евросойуус санаалара улаханнык хайдыһар... Вашингтон кэнники кэмҥэ Евросойууһу аан дойду түһүлгэтигэр солуулаах-күттүөннээх “оонньооччунан” аахпата, аанньа ахтыбата өссө бэргээн иһэр.
Оттон The Wall Street Journal таһаарыы (АХШ): “Персия хомото бүөлэммитин, ньиэп кэлиитэ харгыстаммытын түмүгэр, Евросойуус дойдулара, улахан кыһалҕаттан “арыый сымнаан”, Арассыыйаны кытта энергетика урукку сибээстэрин чөлүгэр түһэриэхтэрин баҕараллар... Бу кэнники күннэргэ углеводороду тиэммит хас да улахан танкер, Дьобуруопаҕа барыахтаах урукку былааннарын уларытан, Азия диэки уһуннулар... Иран иирсээнэ төһөнөн уһуур да, Арассыыйа ньиэбигэр наадыйааччы ахсаана өссө элбээн иһэр чинчилээх...” – диэн суруйар.
Хаартыска – Regnum.ru
