Абый Кэбэргэнэтин орто оскуолатыгар кулун тутар 30 күнүттэн муус устар 2 күнүгэр диэри “Балдача терэму – би энив, би дюлу” (“Төрөөбүт тылым – мин күүһүм, мин дьолум”) диэн билим-быраактыка кэмпириэнсийэтэ буолан ааста.
Ити түөрт күн иһигэр араас тэрээһини ыыттылар. Ол курдук, “Индигииргэ балыктааһын”, “Балдача терэму – би энив, би дюлу” билим-быраактыка кэмпириэнсийэтэ, “Индигиир эбээннэрин ыллыыр чуума” эрэгийиэннээҕи бэстибээл, төрүт дьарык маастар-кылаастара, тылы, норуот тылынан уус-уран айымньытын илдьэ сылдьааччылардыын көрсүһүү, төрүт таҥас, туттар мал-сал быыстапката, фолькор кэлэктииптэрин кэнсиэрдэрэ, хотугу дэгит күрэс киирсиилэрэ, о.д.а.
Бу тэрээһин “Артика тылларын эйгэтэ” көһө сылдьар бэстибээл чэрчитинэн ыытылынна. Муома, Аллайыаха улуустарыттан, Дьокуускай куораттан бэрэстэбиитэллэр ыалдьыттаатылар. Быйылгы бэстибээли Кэбэргэни оскуолатыгар эбээн тыла үөрэтиллибитэ 35, Арассыыйаҕа Норуоттар сомоҕолоһууларын уонна Саха сиригэр Култуура сылларыгар анаатылар.
Бу туһунан “Хотугу Кыым” хаһыат МАХ-ска каналыгар суруйаллар.
Бэй.кэр.
Хаартыска: “Хотугу Кыым”.
