Ыам ыйыгар үлэлиир күн аҕыйаатар да, хамнас кээмэйэ уларыйбат. Окладтаах үлэһиттэр хамнастара бүтүн хаалар, оттон чааһынан уонна үлэлэрин түмүгүнэн хамнастанар дьоҥҥо эбии төлөбүр көрүллэр.
2026 сыллаахха ыам ыйын бырааһынньыктарыгар Арассыыйа олохтоохторо ыам ыйын 1-3 күннэригэр уонна 9-11 күннэригэр сынньаныахтара. Бу ыйга икки үлэ күнэ суох буолар, ол эрээри бу хамнаска сабыдыаллаабат. Бу туһунан Судаарыстыбаннай Дума үлэ уонна социальнай бэлиитикэ кэмитиэтин чилиэнэ Екатерина Стенякина ТАСС-ка быһаарда. Арассыыйа Үлэтин кодексатын 112-с ыстатыйатыгар олоҕуран, окладтаах үлэһиттэр бырааһынньык күннэригэр хамнастарын сүтэриэ суохтаахтар. Онтон бириэмийэ төлөнүүтэ хас биирдии тэрилтэ бэйэтин иһинээҕи быраабылатыттан тутулуктаах.
Чааһынан эбэтэр үлэ хаачыстыбатынан (сдельщик) хамнастанар дьон балаһыанньалара атын. Ыам ыйыгар үлэ күнэ аҕыйыыр, ол иһин сокуонунан компенсация көрүллэр. Холобур, ыам ыйын 1 уонна 9 күннэригэр үлэлээбэтэх буоллаҕына, бу күннэрин иһин хамнаһыгар эбии төлөбүр киириэхтээх. Ол эбии төлөбүр кээмэйин работодатель бэйэтэ быһаарар. Оттон ким эмэ бу бырааһынньык күннэригэр үлэлээбит буоллаҕына, киниэхэ икки төгүллээх хамнас төлөнөр.
Бэй.кэр.
Хаартыска: Аһаҕас источниктан
