- Эбисийээнэ уоспалаабыт: Москуба таһыгар бу ыарыы саҥа түбэлтэтэ бэлиэтэннэ. Эпидемиолог Геннадий Онищенко этэринэн, вирус киһиэхэ дьайар сатабылын сайыннаран иһэр, ол гынан баран кини ыкса сибээс нөҥүө эрэ бэриллэр.
- Пауэрбанктары бобуу: Арассыыйа авиакомпанияларын көтөр аалларыгар портативнай иитии оҥоһуктарын (пауэрбанк) бобууну көрөргө Росавиация Тырааныспар министиэристибэтигэр этии киллэрдэ. Ол төрүөтүнэн, олунньу ыйга Екатеринбург — Стамбул хайысханан көтөр аалга портативнай иитэр (пауэрбанк) умайбыта буолар.
- Тверь уобалаһыгар биир тыа сирин кылабыыһатыгар 76 өйдөбүнньүгү алдьаппыттарын иһин буруйдааҕы көрдүүллэр, холуобунай дьыала тэрилиннэ.
- Москубатааҕы теракт: Бизнес-киин аттыгар электроскутеры туһанан теракт тэрийэ сатаабыт үс киһини Москуба суута хаайыыга ыытта.
- Германия «3w Professional GmbH» хампаанньата Украинаҕа ыраах көтөр дроннары оҥорооччуларга 500-тэн тахса авиационнай двигатели ыыппытын туһунан матырыйаал таҕыста.
- Замбия уонна виза: Арассыыйа уонна Замбия олохтоохторо визата суох сылдьар туһунан сөбүлэҥи чугастааҕы кэмҥэ түһэрсэллэрэ күүтүллэр.
- Трамп уонна Иран: АХШ Бэрэсидьиэнэ Дональд Трамп Ираны кытары эйэ сөбүлэҥин түһэрсиилэригэр бэйэтэ тиийиэн сөбүн биллэрдэ. Тегеран быһаарыылаахтык дуогабардаһарга дьулуурдаах.
Бэй.кэр.
Хаартыска: Вести Саха
