Муус устар 27 күнүгэр буолуохтаах Ил Дархан Айсен Николаевтыын “быһа эфиргэ” бар дьон ыйытыытын өссө да хомуйа олороллор. Бу күннээҕи туругунан, номнуо 200-чэ ыйытыы киирбит.
“Дьон ордук хаарбах дьиэттэн көһөр, суол-иис уонна көлө, ДьУоХХ уонна энэргиэтикэ, социальнай көмө, тутуу, доруобуйа харыстабылын, үөрэх, тыа хаһаайыстыбатын туһунан ыйытар. Ордук көхтөөхтүк Дьокуускайтан, Алдантан, Мииринэйтэн, Нерюнгриттан, Томпоттон, Өлүөхүмэттэн, Өймөкөөнтөн, Үөһээ Бүлүүттэн, Сунтаартан уонна Аллараа Халыматтан эрийэллэр уонна суруйаллар”, – диэн Өрөспүүбүлүкэни салайар киин салайааччыта Василий Десяткин сырдатар.
Ил Дарханныын быһа биэрии муус устар 27 күнүгэр киэһэ 19.00 чаастан “Саха” НКИХ, “Якутия 24”, “Россия 24” ханаалларга, “Тэтим”, “Радио России”, “Сахалыы Виктория”, “СТВ-радио” араадьыйаларга, ону тэҥэ Ил Дархан социальнай ситимнэригэр көстүөҕэ.
Ыйытыыны эрдэттэн бу нүөмэргэ эрийэн биэриэххэ сөп: 8 (4112) 506-006. Ити нүөмэр сарсыарда 9.00 чаастан киэһэ 18.00 чааска диэри үлэлиир. Ону тэҥэ түүннэри-күнүстэри СӨ өрөспүүбүлүкэни салайар киинин Макс ханаалыгар суруйуохха сөп: @voprosglaveyakutii_bot.
