Быйыл оҕолор сайыҥҥы сынньалаҥнарын, чэбдигирдиилэрин тэрийиигэ аналлаах аһаҕас төрөппүт мунньаҕа муус устар 23 күнүгэр ыытыллыаҕа.
Бу тэрээһин онлайн-форматынан барыаҕа. Мунньах сүрүн сыала – сайыҥҥы кэмҥэ оҕо тугу гыныан сөбүн төрөппүттэргэ тиэрдиэхтэрэ.
Идэлээхтэр оҕолор сынньалаҥнарын тэрийиигэ сыһыаннаах боппуруостары ырытыахтара. Ол курдук, лааҕырдар үлэтин сүрүн хайысхаларын, сменалар көрүҥнэрин уонна сайыҥҥы сезон уратыларын туһунан кэпсиэхтэрэ. Оҕолор аһылыктарын уонна мэдиссиинэҕэ хааччыйыыларын, путевкалар сыаналарын, чэпчэтиилэри, компенсациялары уонна дьиэ кэргэттэргэ анаммыт социальнай өйөбүл миэрэлэрин туһунан сиһилии билиһиннэриэхтэрэ. Төрөппүттэр быһа эфиргэ боппуруос биэриэхтэрин сөп.
Төрөппүт мунньаҕа муус устар 23 күнүгэр күнүс 12:30 чааска "ВКонтакте" социальнай ситимҥэ ыытыллыаҕа.
Бэй.кэр.
Хаартыска: ЯСИА
