Куорат иһигэр ханна шашлыктыахха сөбүй?
Дьокуускайга дьон сибиэһэй салгыҥҥа сынньанар уонна шашлыктыыр үс анаммыт сирэ баар буолбут. Бу туһунан куорат дьаһалтатын гражданскай оборонаҕа, айылҕа уонна техногеннай быһылааннартан нэһилиэнньэни уонна сирдэри-уоттары көмүскээһин, уот куттала суох буолуутун хааччыйыы управлениета иһитиннэрдэ. Ол курдук, куорат олохтоохторо маннык сирдэргэ сылдьан сынньаныахтарын сөп:
1) Өлүөнэ өрүс үрдүгэр, таас чоҕу тиэйэр причал кэннигэр – бу сир Хаҥалас микрорайонун дьаһалтатын эппиэтинэһигэр сылдьар.
2) Покровскай тракт 20-с км-гэр, Дьокуускай-Покровскай суолун уҥа өттүгэр – Хатас нэһилиэгин дьаһалтата хонтуруоллуур.
3) 202-с микрорайоҥҥа баар сөтүөлүүр сир кытыытыгар – «Служба технического обслуживания» тэрилтэ бэрээдэги көрөр.
Бу сирдэргэ ханнык баҕарар кэмҥэ сылдьар көҥүллэнэр, ол эрээри уот отторго кытаанахтык бобуллар. Арай, манна шашлыктыырга аналлаах миэстэлэр бааллар, онно эрэ чоҕунан шашлыктыахха сөп.
