Хотугу улуустарга диэри көтөр субсидиялаах билиэт атыыга бэс ыйын 1 күнүттэн хойутаабакка тахсыахтаах. Ол туһунан Ил Дархан Өрөспүүбүлүкэ күнүнээҕи эфиригэр Тиксии олохтооҕо дьахтарга хоруйдууругар эттэ.
“Чэпчэтиилээх билиэтинэн, бастатан туран, Арктика бэйэтин олохтоохторо көтүөхтээхтэр, командировкаҕа барааччылар буолбатах. Хас биирдии эриэйсэҕэ, холобур, 6—7 чэпчэтиилээх билиэт баар буолуохтаах. Бырабыыталыстыба бэрэссэдээтэлэ Кирилл Бычков бырабыыталыстыбаҕа, үп уонна көлө министиэристибэлэригэр ыам ыйыгар ону быһаарарга сорудахтаабыта. Барыта быһаарыллыа диэн эрэнэбин”, – диэтэ Ил Дархан.
Бэй.кэр.
Хаартыска: Алексей Рудых/СИА
