Быйылгыттан чурапчылар үүнүүнү тупсарар агро-дроннары туһаныахтара. Ол туһунан Айсен Николаев кэпсээтэ.
“Саха дрон” хампаанньа көмөтүнэн номнуо хас даҕаны агро-дрону атыыластылар. Онон быйылгыттан Чурапчыга үүнүүнү тупсарар арго-дроннар үлэлиэхтэрэ. Атын эрэгийиэннэргэ итинник тиэхиньикэни эмиэ туһаналлар. Чурапчылар былааннара табыллыа, уопуту атын улуустарга эмиэ тарҕатыахпыт диэн эрэнэбин”, – диир Айсен Сергеевич.
Агро-дрон диэн көтө сылдьан тыа хаһаайыстыбатын араас култууратыгар уоҕурдууну, ууну-хаары бэйэтэ ыһар, пультунан салаллар көтөр тиэхиньикэ.
Даҕатан эттэххэ, быйыл Саха сиригэр ойуур баһаардарын кэтээн көрөргө пилота суох көтөр аппарааттары (БПЛА) күүскэ туһаныахтаахтар. Аны туран, быйыл муус устартан Хаҥалас улууһугар БПЛА көмөтүнэн нэһилиэк балыыһаларыттан уонна ФАП-тартан улуус киин балыыһатыгар анаалыстары таһар буола сылдьаллар.
