Бырааһынньыктааҕы тэрээһиннэр буолар сирдэригэр бобуу үлэлиэҕэ
Дьокуускайга Ыам ыйын 9 күнүгэр, бырааһынньыктааҕы тэрээһиннэр буолар сирдэригэр, арыгы атыыта бобуллуоҕа. Бу туһунан куорат былааннаах мунньаҕар бэнидиэнньиккэ иһитиннэрдилэр.
Арыгы атыытын бобор туһунан дьаһал баттанна. Бу куорат олохтоохторугар куттала суох буолуу эйгэтин үөскэтэригэр уонна Кыайыы күнүн бэлиэтииргэ ыраас, үчүгэй эйгэни тэрийэр сыалтан оҥоһуллар. Маныаха майгынныыр хааччахтааһыннар Арассыыйа атын эрэгийиэннэригэр эмиэ бааллар. Былырыын куорат киинигэр, Кыайыы болуоссатын уонна 203-с микрорайон тула арыгы атыыта бобуллубута.
Бэй.кэр.
Хаартыска: seyminfo.ru
