Бэҕэһээ, ыам ыйын 4 күнүгэр, Хатас – Павловскай туһаайыынан Өлүөнэни туораан испит “КамАЗ” массыына мууҥу көҥү үктээн быһаҕаһа ууга түстэ. Өрүһү туоруур кыһыҥҥы айан суола муус устар 18 күнүттэн дьиҥ таһымнаахтык сабыллан турбута. Дьолго суоппар тыыннаах хаалбыт, эмсэҕэлээбэтэх.
СӨ Көлөҕө уонна суол-иис хаһаайыстыбатыгар министиэристибэтэ тиэхиньикэ ууга түһэн муус анныгар барар түгэнигэр, ону хостуур ороскуоту бүүс-бүтүннүү бас билээччи уйунарын санатар. Аны туран, көҥүлэ суох кэмҥэ мууска тахсыбыт дьон административнай дьыалаҕа тардыллан ыстарааптаныахтарын сөп: биирдиилээн дьон – 3-5 тыһ. солк., дуоһунастаах дьон – 20-50 тыһ. солк., юридическай сирэйдэр – 100 тыһ. солк. саҕалаан 1 мөлүйүөн солк. тиийэ.
Бэй.кэр.
Хаартыска: социальнай ситимнэр.
