Улуу Кыайыы 81-с сылын көрсө Аҕа дойду сэриитин бэтэрээннэрэ уонна сэрии сылын оҕолоро сыл аайы көрүллэр биир кэмнээх төлөбүрү туттулар. Ол туһунан СӨ үлэҕэ уонна социальнай сайдыыга министиэристибэтэ иһитиннэрэр.
“Улуу сэрии кыттыылаахтарыгар, ону тэҥэ сэрии сылын оҕолоругар төлөбүрү ыыттыбыт. Бүгүҥҥү туругунан, 11 850 киһи барыта 46 мөлүйүөн солкуобай суумалаах көмөнү ылла”, – диэн министиэристибэҕэ эттилэр.
2026 сыллаахха Саха сиригэр сыллата көрүллэр төлөбүр маннык кээмэйдээхтик олохтоммут:
1 мөлүйүөн солкуобай – Аҕа дойду Улуу сэриитин кыттыылаахтарыгар;
10 тыһыынча солкуолбай – Аҕа дойду Улуу сэриитин кыттыылаахтарын уонна инбэлииттэрин огдооболоругар, Ленинград блокадатын кыттыылаахтарыгар, сокуоннай саастарын туолбакка сылдьан концентрационнай лааҕырдарга уонна геттоларга хаайыллыбыттарга;
5 тыһыынча солкуобай – тыыл бэтэрээннэригэр;
3 тыһыынча солкуобай – сэрии сылын оҕолоругар (1927 с. балаҕан ыйын 3 күнүттэн 1945 с. ахсынньы 31 күнүгэр диэри төрөөбүт, мэлдьи Саха сиригэр олорор Арассыыйа гражданнарыгар).
