Практическай эксээмэҥҥэ тиэрийэни туттарбыттан ыла 60 хонук ананыаҕа
Арассыыйа бырабыыталыстыбата суоппар быраабыгар эксээмэн туттарыы бэрээдэгэр уларытыылары бигэргэттэ. Сорох саҥа быраабылалар 2027 сыл кулун тутар ыйыттан олоххо киириэхтэрэ, диэн РИА Новости иһитиннэрэр.
Билигин практическай эксээмэни тиэрийэни ситиһиилээхтик туттарбытын кэннэ 60 хонук иһигэр хойутаппакка туттарыахтаах. Бу иннинэ практикаҕа бэлэмнэниигэ алта ый бэриллэрэ. Өскөтүн хандьыдаат алта ый иһигэр практиканы туттарбатах буоллаҕына, кини хоһуттан тиэрийэ эксээмэнин туттарар — ол болдьох түмүктэммититтэн 30 хонуктааҕар хойутаппакка. Эксээмэн күннэрин көһөрөргө ГАИ-га сайаапка биэриэҕин сөп.
Смартфоннары, хаартыскаҕа түһэрэр, аудио- уонна видео-тэриллэри, көмпүүтэрдэри, ыйынньык матырыйааллары уонна информацияны харайар эбэтэр ыытар ханнык баҕарар тэриллэри туһаныы. Ити төрүөттэринэн туттарыллыбыт эксээмэни да суох гыныахтарын сөп. Маннык түбэлтэлэргэ эксээмэни хатылаан туттарар биир сыл кэнниттэн эрэ көҥүллэниэҕэ. 2027 сыл кулун тутар 1 күнүттэн «Госуслуги» портал нөҥүө сайаапка биэрдэххэ, быраас көҥүл ыспыраапкатын сыһыарар наадата суох буолуоҕа — өскөтүн түмүк доруобуйа харыстабылын Единай систиэмэтигэр (ЕГИСЗ) киирбит буоллаҕына. Ол эрээри, бу түмүк болдьоҕо сайаапканы биэрии уонна быраабы ылыы икки ардыгар бүтэн хааллаҕына, процедура тохтуоҕа. Сөргүтэргэ саҥа ыспраапка наадата суох — электроннай реестрдан кэлбит сибидиэнньэлэр сөп буолуохтара.
Бэй.кэр.
Хаартыска: РИА Новости/Владимир Астапкович
