Саха сиригэр аны сылтан "Полет стерха" бырайыак чэрчитинэн саҥа туристыы маршрут аһыллыаҕа. Бу туһунан СӨ бырабыыталыстыбатын бэрэссэдээтэлин солбуйааччыта, бырайыак куратора Ольга Балабкина иһитиннэрдэ.
Томпо оройуонугар Олоҥхо Ыһыаҕар бастакы хардыылар оҥоһуллуохтара. Туристар Кыһыл кинигэҕэ киирбит үрүҥ туруйа көтүүтүн кэтээн көрүөхтэрэ. Охотскай Перевоз сэлиэнньэтин аттыгар туристыы глэмпиҥнэри тутуу туһунан кэпсэтиилэр ыытыллаллар. Бу сиргэ кыталыктар көтөр суоллара кыараҕас буолан, обсерваторияҕа ахсааннарын 90 бырыһыанын кэтииллэр.
"Полет стерха" бырайыак Саха сиригэр научнай чинчийиилэргэ уонна анал харыстанар айылҕа сирдэрин тэрийиигэ улахан суолталаах. Сүрүн сорук – үрүҥ туруйа илиҥҥи популяциятын харыстааһын уонна салгыы үөрэтии. Билигин Саха сиригэр 7 тыһыынча кэриҥэ кыталык баара биллэр.
Бэй.кэр.
Хаартыска: Айсен Николаев телеграм-ханаалыттан
