Арассыыйа киэҥ нэлэмэн дойдутун үрдүнэн талааннаах дьону көрдүүр, саҥа «Хочу на ТНТ» диэн бырайыак саҕаланна. Бу күрэххэ дойду араас муннугуттан кэлбит дьоҥҥо 10 мөлүйүөн солкуобайы уонна тэлэбиидэнньэ саҥа сирэйэ буолар кыаҕы биэрэр. Дьүүллүүр сүбэнэн биһиги биллиилээх стендап-комикпыт Сергей Орлов буолла.
Орлов урут ТНТ-га стендап-комик быһыытынан, араас бырайыактарга ыалдьыттаан ааспыта. Оттон дьүүллүүр сүбэ быһыытынан холонуу киниэхэ бастакы уопут буолар. Ольга Бузовалыын, Марина Кравецтыын уонна Сергей Светлаковтыын бииргэ кыттааччылары сыаналыахтара, дойду саамай чаҕылхай талааннарын көрдүөхтэрэ. Бырайыак ыытааччытынан Анна Хилькевич буолар.
«Мин сөхтөрөр дьону сөбүлүүбүн. Тугунан да буоллун: куоластарынан, харизмаларынан, ураты дьарыктарынан эбэтэр бэйэлэригэр ылыммыт эрэллэринэн. Билигин куйаар ситимигэр хас биирдии киһи – сулус, ол эрээри дьиэҕэ олорон устар дьон оннугар, тыыннаах көрөөччү иннигэр тахсан, кинилэри дьиҥнээхтик умсугутар дьону көрүөхпүн баҕарабын. Уонна, кырдьыгы этэр буоллахха, мин бэйэм син биир кыратык олоххо суох эҥин араас дьиктини сөбүлүүбүн – ол иһин кастинг кэнниттэн тахсан баран: "Туох буолан аастай?" диэн соһуйуохпутугар диэри, дьону кэтэһэбин», – диэн Сергей Орлов бэйэтин санаатын үллэһиннэ.
Бэй.кэр.
Хаартыска: ТНТ телеханаал
