Быйыл Туймаада ыһыаҕын кэмигэр Дьокуускайга айаны-сырыыны хааччахтыахтара. Ол туһунан киин куорат дьаһалтата иһитиннэрэр.
“Биирдиилээн дьон, тэрилтэ тимир көлөтүгэр хааччах бэс ыйын 26 күнүгэр киэһэ 22:00 чаастан саҕалаан бэс ыйын 28 күнүгэр түүн 23:00 чааска диэри олохтонуо. Үс Хатыҥҥа уонна “Уураахы Ыһыах Сирэ” комплекска тиэхиньикэнэн киирэр бобуллуо. Хааччахтааһыҥҥа МЧС, суһал көмө, полиция уонна анал киирэр көҥүллээх массыыналар хапсыбаттар”, – диэн мээрийэ биллэрэр.
Онон киин куорат олохтоохторун уонна ыалдьыттарын айаннарын эрдэттэн былаанныырга сүбэлииллэр. Ити барыта ыһыах кэмигэр куттал суол буоларын хааччыйар үлэни кытта ситимнээх дьаһал.
Бэй.кэр.
Хаартыска: Эхо Столицы.
