От ыйын 15 күнүттэн Саха сиригэр хотугу улуустарга субсидиялаах авиа көтүүлэр саҕаланнылар. Субсидиялаах билиэтинэн Баатаҕайтан, Белай Гораттан, Эдьигээнтэн, Өлөөнтөн, Сааскылаахтан, Тиксииттэн, Уус Куйгаттан уонна Хонууттан Дьокуускайга уонна ити улуустарга Дьокуускайтан көтүөххэ сөп. Ол туһунан Суол-иис хаһаайыстыбатын министиэристибэтэ иһитиннэрэр.
Чэпчэтиилээх билиэттэри Арктика улуустарыгар пропискалаах дьон атыылаһыахтарын сөп. Ол гынан баран, билиэт атыылаһарга Саха сирин олохтооҕун ID-тын (Саха сирин олохтооҕун каартатын оҥорторорго бэриллэр цифровой дастабырыанньа) көрдөрүллүөхтээх. Ити – саҥа ирдэбил. Алтатыгар диэри саастаах оҕолор каартаны көрдөрөллөрө булгуччута суох.
Итини таһынан өссө биир саҥа усулуобуйа олохтоммут – айанньыт сылга биирдэ кэлэр уонна барар эбэтэр биир хайысхаҕа икки билиэти эрэ чэпчэтиилээх атыылаһар бырааптаммыт.
Билиэттэри “Полярные авиалинии” уонна “Якутия” авиа-хампаанньалар каассаларыттан уонна саайтарыттан атыылаһыахха сөп. Субсидиялаах көтүү туһунан сиһилии маннык нүөмэрдэринэн билсиэххэ сөп: “Полярные авиалинии” АХ: 8-800-100-59-59, “Якутия” АХ: 8-800-700-21-90.
