Бу сыл биэс ыйын иһигэр Саахал мэдиссиинэтин өрөспүүбүлүкэтээҕи киинин авиа-мэдиссиинэҕэ биригээдэтэ 832 саньытаарынай сырыыны оҥордо, 1279 ыарыһахха суһаллык көмөлөстө, ол иһигэр 146 оҕоҕо. Ол туһунан Саха.гов.ру суруйар.
832 санэриэйсэ оҥоһуллубутуттан, быраастар биригээдэлэрэ 535 төгүл улуус кииннэриттэн ыарыһахтары Дьокуускай балыыһаларыгар аҕалабыттар. 175 төгүл – улуус иһигэр көппүттэр, 93 төгүл – улуустан улууска, 28 төгүл – миэстэтигэр көмөлөһүннэрэргэ быраастары илпиттэр.
Ордук элбэхтик сүрэх-тымыр ыарыылаах дьону аҕалбыттар – 585 киһи. 242 киһи эчэйэн-оһоллонон, умайан-буһан уонна сүһүрэн санавиацияҕа наадыйбыт. Ону таһынан, 101 хат уонна төрөөн баран доруобуйата мөлтөөбүт дьахтарга көмөлөспүттэр.
“Санавиация баар буолан миигин суһаллык Дьокуускайга аҕала охсубуттара, быраастар эмтээбиттэрэ. Киин сиртэн ыраах сытар улуустарга итинник көмө олус улахан суолталаах”, – диэн санавиация көмөтүнэн өрүттүбүт Иван үллэстэр.
